Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîye wina ya:

''Warê Şehîde Rahîme û Girê Şehîd Afadî yê herêma Avaşînî de semedê îşxalî rayîr yeno viraştene. Îşxalkerê ke asayîşê rayîrî pawenê 12ê êlule de hetê hêzanê ma ra bi taktîkê sabotajî ameyî pirodayene. Na çalakîye de tewr tay di îşxalkerî ameyî kiştene.

20ê êlule de îşxalkeran waşt Warê Xoverdayîşî yê Werxelê de madeyanê teqnayîşî ca bikerê. Xoverdayoxanê ma yê Werxelê mudaxale kerd û  destna madeyanê teqnayîşî ser û bi hewayêkê profesyonelî kerdî bêtesîrî. 21ê êlule de bado ke Warê Xoverdayîşî yê Werxelê pê çekanê giranan ame bombardumankerdene, îşxalkeran waşt aver şirê la Xoverdayoxanê ma yê Werxelê detûrê înan nêda.

22ê êlule de warê Çemçoyî yê herêma Zapî pê teyarayanê şerî ame bombardumankerdene. 20ê êlule de Xeta Qaşûra ya Metîna de têgêrayîşê helîkopteran qewimîya.21 û 22ê êlule de dormeyê dewanê Êdinê, Dêşîşê, Serarû, Hirorê yê Kanî Masî ya Amedîye û warê Kela Qûmrîyê, Girê Şehîd Çîya û Koordîne pê obus, hevan û helikopteranê hêrişî ameyî pirodayene. Badê hêrişî şewato ke erazî de vejîya dewam keno.''