Qezaya Kanîreşî ya Çewlîgî de daristananê Karacehenemî de birnayîşê daran dewam keno.

Wekîlê HDPyî yê Çewlîgî Erdal Aydemîrî pê vernîyazêkê persan mesele berde rojdem. Aydemîrî bale ante ser ke rixmê vengdayîş û nêrazîbîyayîşê şarî daristanan de darî birîyenê la dewlete hema zî derheqê babete de gamêke nêeşta.

Aydemîrî vat: ''Birnayîşê daran rojdemê şarê Çewlîgî û rêxistinanê komelê sivîlî de yo. La nê kesî persanê xo rê cewabêk nêvînenê. Her ke şino no hîna zêde xozaya şaristanî texrîb keno. Pêro rayaumûmîye wazena ke cade birnayîşê daran vindero û cewab bêro dayene persan.''

Aydemîrî vernîyaz de nameyê şarî û rêxistinan nê persî pers kerdî:

-Daristanê Karacehenemî semedê asayîşî birîyenê?

-Xebata birnayîşî têna 35 hektaran de do bêra kerdene yan?

-No warê birnayîşî semedê cigêrayîşê madenî xebatêka destpêk a?

-Semedê birnayîşê daran kamyew wezîrîye ferman dayo?