Hemsereka Pêroyî ya Partîya Herêman ê Demokratîkan (DBP) Salîha Aydenîz derheqê polîtîkayanê şerî yê AKP-MHPyî û serebûtanê peyênan ê Tirkîya de ANFyî reyde qisey kerd. Aydenîze ard ziwan ke koalîsyono faşîst ê AKP-MHPyî wazeno Tirkîya de rejîmê şer û sîstemêkê faşîstî awan bikero.

Aydenîze vat: ''Birêz Ocalanî 2013-2015 de prosesê çareserîye dabi destpêkerdene. No proses seba şaranê Tirkîya bi sebebê hêvî û aramîye. Dima Erdoganî prosesê şerî da destpêkerdene û MHPyî reyde koalîsyono faşîst awan kerd.  koalîsyono faşîst ê AKP-MHPyî wazeno Tirkîya de rejîmê şer û sîstemêkê faşîstî awan bikero û tim hêrişê Kurdîstanî keno. Kodê 100 serreyî yê Komara Tirkîya nêvurîyenê. Komara Tirkîya bi polîtîkayanê faşîstan payan ser o ya.

Şarê Kurdîstanî 40 serran ra nata seba nasname, kultur û ziwanî xo ver dano. Polîtîkayê se serran ê çinkerdiş û qetilkerdişî dewam kenê. Kurdî seba xoza, nasname û statuyê xo têkoşîn kenê. Dewlete zî bi tradîsyonê darbeyan payan ser o ya.

Tirkîya de krîzo ekonomîk o pîl esto. Îqtîdarê AKP-MHPyî seba ke nêeşkenê nê krîzî ra pak bibo bi temamî bîyo hukmatê şerî.

AKP-MHP xîret kenê ke şaran çin bikerê û dişmenîya vera kurdan xurt bikerê. Eke vera îtîfaqê faşîstî yê AKP-MHPyî îradeyê haştîye yê bihêzî nêvejîyo werte şarî do birijê.

21 serrî yo ke nê welatî de tecrîdo bêhuqûq esto. 5 serran ra nata zî tecrîdo mutlaq esto. Birêz Ocalan 21 serrî yo vera tecrîdî xo ver dano. Tecrîd têna vera Birêz Ocalanî nê vera kurdan zî yeno caardene. Welat ver bi tarîtîye şino. Aydenîze vat: ''Têna bi têkoşînê hemprarî ma eşkenê pîya na mîyanê tarîtîye ra vejîyê.''