Çewlîg de varayîşê vewre û pûkî ra xeylî rayîrî qefilyayî. Dewijê ke bi wesayîtan semedê cenaze şîyêne dewêk rayîr de mehsûr mendî.

Qezayanê Çewlîgî de varayîşê vewre ra dima pûk dest pêkerd û rayîrê xeylî dewan qefîlyayî. 55 hemwelatijê ke semedê cenazeyêk Îzmîr û Stenbolî ra şîyêne dewa Çatma ya qezaya Azarpêrtî rayîr de mehsûr mendî. Hemletijê ke bi seatan rayîr de mendî ameyî xelisnayene û berdene bi dewa Başkoyî.

Qezaya Kanîreş de zî rîyê varayîşê vewre û pûkî ra mektebî ameyî qefilnayene.

Qezaya Çêrme de varayîşê vewre çend metreyan ra ravêrt. Dewijî bi huyeyan bananê xo ra vejîyene.

Varayîşê vewre hetêk ra şarî ser o  tesîr keno, hemwelatijî tengayî ancenê hetê bînî ra zî dar û birî bi vewre xo xemilnenî û manzarayê rindî vejîyenê werte.