Seba ke PKK 'lîsteya terorî' ra bêro vetene Başûrê Kurdîstanî de çarçewa kampanyaya îmzayan de mîyanê 7 mengan de 1 mîlyon îmzayî ameyî arêdayene. Komîteya Arêdayîşê Îmzayan derheqê xebatanê xo de eşkerayîyêke daye û qala plananê xo yê ameyoxî zî kerde.

Endamê Komîte sîyasetmedar Mihemed Emîn Pêncewinîyî derheqê kampanya de vat: ''Ma safhaya verêne de, 7 mengan de 1 mîlyon îmzayî arê dayî. Hemwelatîyan ra ber xeylêk roşnvîr, hunermend û kesayetanê sîyasîyan zî vera qedexeyê serê PKKyî îmzayî dayî. Nê pêro îmzayan ma do pêşkêşê Mehkemeya Heqanê Merdiman a Ewropa (MHME) û Neteweyanê Yewbîyayeyan (NY) bikerê.''

Seba ke PKK lîsteya terorî ya Amerîka û Konseya Ewropa ra bêro vetene 13ê kanûna 2021î de hetê Înîsîyatîfê Mîyanneteweyî yê Kurdan rê Edaletî ra kampanyaya îmzayan dîyabî destpêkerdene. Heman kampanya 29ê çeleyê 2022yî de zî Başûrê Kurdîstanî de dîyabî destpêkerdene.