Gerîla Sara Ronahîya ke Cengê Heftanînî de ca gêna qala xoverdayîşê gerîlayan ANFyî rê kerde. 

Sara Ronahî vat: ''Emser dewleta tirke Heftanîn de hêrişanê pîlan kena. Dewleta tirke bi hêzê hewayî şer kena la vera ci çalakîyê ma zî dewam kenê. Gerîlayî her hele danê îşxalkeran ro û verê înan gênê. 

Ma embazîye ra hêzê xo gênê. Ruhê xoverdayîş û embazîye her cayê Heftanîn de nimite yo. Ma sayê şehîdanê xo de planê dişmenî eşkera kenê. Dişmen do pê ma nêeşko. Ma çîyo ke ma ra ame waştêne d bikerê; ma do ser bikewê. Bedelê ci se beno wa bibo  ma do nê şerî de ser bikewê.

Embaz Mazlûmo ke Pîrbûla de şehîd bi, fermandarê mi bi. Ey fedakarîya PKKyî musnaye ma. Embaz Ferman zî wina bi. Ma her çi înan ra musayî. Ma bi heskerdiş û embazîye şerd kerd.

Heftanîn de sloganê ma kifş o; Tîya Heftanîn o. Dişmen nêeşkeno tîya ra weş bivejîyo. Armancê ma eşkera yo. Tîya erdê Kurdîstanî yo. Qoricî û leşkerî do bi weşî Heftanînî ra nêvejîyê. Ma Heftanîn înan rê bikerê goristan. Erdê Heftanînî fîraz o.

Ez peyên de na deyîre dîyarîya Şehîde Zelel û Hêjare kena. Wexto ke mi deyîrî vatêne înan tim na waştêne. Wa na deyîre dîyarîya ruhê înan ê fîrazî ba.''