Vervatoxê Hukmatê Iraqî General Yahya Resulî bi eşkerayîyêke da zanayene ke vizêr serkêşîya Serekwezîrê Iraqî Muhammed Şîya El Sûdanîyî de konseya ''asayîşê neteweyîyî'' kom bîya.

Vervatoxî pare kerd ke konsey de hêrişê dewleta tirke ameyê ercnayene û nê hêrişî ameyê şermezarkerdene. Vervatox Resulî ard ziwan ke ganî hukmatê Anqara bi rayîrê dîplomasî û koordînasyonî hukmatê Iraqî de meseleya asayîşî biercno.

Resulî pare kerd ke ê do heyetêkê asayîşî bişawê Başûrê Kurdîstanî.

Dewleta tirke ya îşxalkere bi destekê PDKyî wextê peyênî de hêrişê xo yê serê Başûrî zêdînayî. Goreyê Community Peacemakers Teams (CPT) heta nika hêrişanê dewleta tirke ra Başûr de 162 dewî ameyê vengkerdene, tewr tay 600 dewî binê tehlukeyê vengkerdişî de yê û tewr tay 20 hezar donimê erazî ameyo vêşnayene.