Çeperanê xoverdayîşê gerîlayan ra yew zî warê Cîloyê Qijî yê Zapî yo. Xoverdayîşê gerîlayan de rayberîya Fermandar Bawer Dendar û Ronahî Axîn de, mabênê hêzanê gerîlayan û artêşa tirke de 40 rojî şerêko giran qewimîya. War û tunelanê şerî yê Cîloyê Qijî de Melsa, Rustem, Çîyager û Andokî şehîd bîyî. Artêşa tirke 40 rojî vera tunelanê şerî yê Cîloyê Qijî pê metodanê bêmerdimîye şer kerd. 

Artêşa tirke 19ê gulana 2021î de pê paştdayîşê helîkopteranê kobra û skorskyî da tunelanê şerî yê Cîloyê Qijî ro. Artêşa tirke gerîlayan ser o teqaberê gazê jehrînî varnayêne. Nê teqaberî dima kewtî destê gerîlayan. No madeyo jehrîn sûcê şerê dewleta tirke eşkera keno. 

Gerîlayê HPGyî Êriş Andokî teqaberan ser o wina vat: ''19ê gulane de hêriş ame kerdene. Înan xîret kerd ke madeyanê teqaberan bierzê tunelanê ma. Dişmenî pê skorskyan nê teqaberî eştî ma. La reyna zî nêeşka netîce bigêro û teqaberî kewtî ma destî. Xora nê teqaberî madeyê tewr hesasî yê ke pê derbêka qije eşkenê biteqê. Ma do nê madeyê ci cibigêrê û agahîyan pare bikerê.''