Vizêr qezaya Digûrî ya Şingalî de serkêşîya Yewîya Ciwanan a Êzidxanî de bi şîarê 'Seba azadîya Rayber Apoyî ma şerê azadîye bi serkewtişî tacîdar bikerê, xoserîya Şingalî bîyarê ca' konferansêk ame kerdene.

Xeylêk ciwanê êzidî, tirkmen û erebî tewrê konferansî bîyî.

Konferans de sere de seba azadîya Rayberê Şarê Kurdî Abdullah Ocalanî xeylêk birê girîngî ameyî girewtene. Konferansî ra dima bi seyan ziwanan eşkerayîyêke daye. Endamê Yewîya Ciwanan Zêdan Şengalîyî eşkerayîye wende.

Eşkerayîye de wina ame vatene:

''Konferansê ciwananê Êzidxanî bi roşnîya felsefeya Rayber Apoyî ame kerdene. Ma do biranê nê konferansî bîyarê ca. Ma do qetî esaretê Rayber Apoyî qebul nêkerê, dişmenanê merdimatîye ra hesab bipersê. Ma Rayber Apoyî sey rayberê xo qebul kenê. Heta ke ma azadîya Rayber Apoyî bîyarê ca û xoserîya Şingalî awan bikerê qetî mevinderê.

Dewleta tirke ya îşxalkere do nêeşka rayraşîyayîşê ma yê azadîye vindarna. Ma do bi biranê xurtan û qerardarîya Apogîre serkewtişî bivisnê destî. No Rayber Apoyî, erdê ma û şehîdanê ma rê sozê ma yo.''