Koyê Bêzarî yê Semsûrî de 17ê gulana 1994î de bombardumanê artêşa tirke de 28 ciwanî ameybî qirkerdene. Ciwanî Goristanê Kayapinarî yê Semsûrî de serê goranê xo temsîlîyan de ameyî yadkerdene.

Keyeyê ciwanan, endam û îdarekarê MEBYA-DER û HDPyî zî tewrê yadkerdişî bîyî. Beşdaranê yadkerdişî ard ziwan ke ê do 28 ciwanan xo vîr a mekerê û perwerê vîrameyîşê înan bibê. Girseyî dima qeranfîlî nayî goran ser û keyeyê ciwanan zîyaret kerdî. 

Cenazayê ciwanan erdî ra ameybî kaşkerdene, baxçeyê qereqolî de ameybî vindarnayene. 11 cenazayî hetê keyeyanê înan ra ameybî girewtene, 17 cenazayê bînî zî leşkeranê tirkan Goristanê Karapinarî de pêser eştbî qulikêke.