Ciwanê Kerkûkî tewrê Hemleya KCKyî bîyî

Meclîsê Ciwanan ê Welatperweran ê Kerkûkî pare kerd ke vera tecrîd, faşîzm û îşxalî tewrê Hemleya seba Azadîya Rayberê Şarê Kurdî Abdullah Oacalanî ya KCKyî benê.

Meclîsê Ciwanan ê Welatperweran ê Kerkûkî derheqê Hemleya 'Tecrîd, Faşîzm û Îşalî rê Bes o, Wext Wextê Azadîe yo' de eşkerayîyêke daye. 

Ciwanan eşkerayîya xo de ard ziwan ke Rayberê Şarê Kurdî 21 serrî yo ke binê tecrîdî de yo û no tecrîd pêro Kurdîstanî rê ame ferzkerdene. Ciwanan îfade kerd ke Ocalan bi fikr û felsefeya xo sîstem û cuyêka newîye seba merdimîye afernaye û şiknayîşê tecrîdî awankerdişê azadîye yo.

Ciwanan eşkera kerd ke ê sey ciwananê Başûrî bi şîarê 'Bi ruhê Cengê Heftanînî îşxalan çin bikerê, Kurdîstan bipawê' tewrê Hemleya  'Tecrîd, Faşîzm û Îşalî rê Bes o, Wext Wextê Azadîye yo' benê.

Ciwanan venga pêro ciwanan da ke bi xurtî tewrê hemle bibê û seba çinkerdişê îşxalî û pawitişê Kurdîstanî mesuldarîya xo bîyarê ca.