Taxa Yafesî ya Cizîre ya Şirnexî de vizêr operasyonê qirkerdişê sîyasîyî de Îbrahîm Kizilkaya, Resul Vesek û Abdulmutalîb Tetîk ameybî destbendkerdene. Wextê destbendkerdişî de polîsan berê keyeyan şikitî û merdiman rê gef wend.

Dîmenê şîdetê polîsan kameraya asayîşî ya Abdulmutalîb Tetîkî de eşkera bîyî. Polîsê ke rîyê înan girewte yê, wexto ke birayê Tetîkî Kahraman Tetîk ber akeno, ey bi zorî çonganê ci ser o nişnenê ro. Polîsî dayenê Tetîkî ro.

Ame parekerdene ke polîsan pê keyeyê Tetîkî zî heqaret kerd. Cinîya Tetîkî Bahare Tetîk vat: ''Polîsî serê sibayî saete 05:00 de ameyî, vatî ê polîs ê û berî şiknayî. Mêrdeyê mi destbend kerd û destê ci kelepçe kerdî. Dima zî da ey ro.''

Dîya zanayene ke polîsan vat ke ''Ma biwazê ma eşkenê guleyan bierzê tîya.''

Kesê destbendkerdeyî vizêr ameyî berdene bi Mudirîya Asayîşî ya Qeza.