Serekê Heyet Tahrîr El Şamî (HTŞ) Ebû Muhammed Colanîyo ke rijîyayîşê rejîmê Esadî ra dima îdareyê xo awan kerdibi, xo sey Serekdewletê Sûrîye îlan kerd.

Tayînkerdişê Colanîyî seba serekîya Sûrîye kombîyayîşê serekanê HTŞyî yê çarşemeyî ra dima hetê vervatoxê leşkerîyî ra ame îlankerdene.

Goreyê Ajansê Xeberan ê Sûrîye (SANA) bi beşdarîya Colanîyî, Wezîrê Karûbaranê Teberî Esad Hasan Şeybanî û temsîlkaranê leşkerîyan ''Konferansê Serkewtişî'' ameyo kerdene. Dima zî netîcename ameyo wendene.

Netîcename de ame dîyarkerdene ke Colanî sey serekê dewlete îlan bîyo û o platformanê mîyanneteweyîyan de do temsîlkarîya Sûrîye bikero. Abdulganîyî da zanayene ke qanûno bingeyî yê 2012î ameyo betalkerdene.