Colemêrg û Şemzînan de polîsan çarçewa tehqîqatêkê Serdozgerîya Komare ya Colemêrgî de eşt xeylêk keyeyan ser.

Sereştişan de Hemsereka verêne ya HDPyî ya Colemêrgî Sîpane Turan, Hemsereka HDPyî ya Şemzînanî Sîneme Seven, Vervatoxa Meclîsê Cinîyan ê Colemêrgî Zeynepe Kaya û Hemsereka HDPyî ya Şemzînanî Sozdare Atîlla ameyî destbendkerdene û berdene bi Mudirîya Asayîşî.

Sebebê destbendkerdişî nêzanîyeno. Çarçewa heman tehqîqatî de venga endamê Meclîsê Partî yê HDPyî Erol Cengîz, Hemserekê Geverî Şadîye Kirmizigul û Abdulkerîm Akdogan, avûkate Harîka Gunay Karataş û Orhan Gur, Îsmaîl Seven dîya ke wa îfade bidê.