Gerîlayê HPGyî Şoreş Ronîyî qala gerîla Cumalî Înce (Ceyhun Dîrîn) kerde ke serra 2016î de Şemzînan de şehîd bi. 

Şoreş Ronîyî pare kerd ke Cumalî Înce seba înan kadroyêko rayber bi û vat: ''Embaz Cumalî 2000 de tewrê gerîlayan bi. O çax tasfîyekerî zaf bîyî. Ma vera înan têkoşîn kerd û dima derbazê warê Dêrsimî bîyî. Ma Dêrsim de 6-7 serrî karê pratîkî kerdî. Mi payîzê 2012î de embaz Cumalî şinasna. O merdimêko zaf durust bi. O tirk bi. Ey tim pê qiseykerdişê xo tesîrê mi kerdêne. Embaz Cumalî pê tesîrê Rayberîye tewrê gerîlayan bibi. Embaz Cumalî pê tewirê xo yê cuye û pê embazîya xo ma pêroyînan rê kadroyêko rayber bi.

Embaz Cumalîyî Şemzînan de kedêka pîle daye. O vera dişmenî wayîrê hêrsêkê pîlî bi. Ey zaf hol şer kerdêne û zaf eleqe mojnayêne şarê kurdî. Wexto ke embazê neweyî ameyêne embaz Cumalî cuya partîye înan rê dayêne şinasnayene. Zerrîya her embazî de cayê ey esto. Embaz Cumalî 2016 de şerêkê çetinî de bi çêrî şer kerd û şehîd bi. Ma çiqas qala înan bikerê zî qîm nêkeno. Ez embaz Cumalî û pêro embazanê şehîdan bi rêzdarî yad kena.''