Qezaya Mazgêrdî ya Dêrsimî de 7 dewî û 3 dewekî û qezaya Pulurî de 2 dewî û yew deweke rîyê korona ra gerîyayî binê karantîna.

Nameyê dewan û dewekanê ke karantîna de yê wina yê: Dewê Temurtaht, Kuşhane, Kizilcik, Dazkaya, Anitçinar, Agaçardi û Aslanyurdu  û dewekê Dalomarî, Ciwan û Suru yê Mazgêrdî, dewê  Şahverdi û Mollaliler û deweka Suru yê Pulurî.

Hetê bînî ra seba ke veyvêyêkê merkezê bajarî de goveng ameyê girewtene wayîrê veyveyî û wayîrê cayê veyveyî zî tete 14 kesan rê seba ke tedbîrê vera Korona binpay kerdî bi temamî 44 hezar û 100 TL cezaya pereyî birîyaye.