Dêrsim de di birayî vînîbîyaye yê
Dêrsim de di birayê bi nameyê Mehmet û Bozkurt Aydemîrî ra vizêrna xebere nîna girewtene. Cigêrayîşê kişta awe de heta nika di çutê lastikan ê birayan ameyî vînayene.
Dêrsim de di birayê bi nameyê Mehmet (41) û Bozkurt (48) Aydemîrî yê şîyê Parka Neteweyî ya Dola Munzurî, vizêrna înan ra xebere nîna girewtene.
Birayê ke fîrmaya dogalgazî de xebityenê semedê înan hetê leşkeran û ekîbanê AFADî ra xebatê cigêrayîş ame destpêkerdene. Cigêrayîşê kişta awe de heta nika di çutê lastikan ê birayan ameyî vînayene.
