22yê hezîrane de dewa Bilexşî ya qezaya Kercewsî ya Êlihî de artêşa tirke ya îşxalkere operasyonêk dabi destpêkerdene. Operasyon 6ê temmuze de qedîyabî. Dewe bi rojan binê ablûqa de mendbî û tede 11 kesî bi îşkenceyî ameybî destbenkerdene. Dima nê 11 kesî vera dîyabî. 

La îtîrazê dozgerîye ser o nînan ra 9 kesî bi îdîaya 'hetkarîya rêxistine' tepişîyayî. Nameyê 9 kesî wina yê: Emîne Kaya (54),  Habîb Kaya (61), Îsa Gîtmez (60), Nedîm Kaya (62), Nezete Bolek (58), Sare Kaya (59), Yusuf Bolek (68),  Zubeyîr Şîmşek (41) û Muhtar Murat Gelîr (24).