Dewa Civrakî ya qezaya Qisle ya Dêrsimî 1938 de Terteleyê Dêrsimî de raştê barbarîyêka pîle amebî. Dewlete dima dewe de polîtîkaya asîmîlasyonî û koçkerdişî arde ca. Hemwelatîyê Civrakî hêdî hêdî agêrenê dewa xo.

Dewe de bi beşdarîya Wekîlê HDPyî yê Dêrsimî Alîcan Onluyî aktîvîteyêke ameye kerdene. Aktîvîte de Saît Baksî, Mehmet Toptaş û Şenol Akdagî kilamî vatî.

Alîcan Onluyî aktîvîte de qisey kerd û vat: ''Tertele de tewr zaf Civrakî dej ant la dima Civrakî erjê xo afernayî. Wezîfeyê ma sîyasetmedaran o ke nê îqtîdarî biqedînê.''

Onluyî bale ante ser ke dewe de qereqolî ra vengê ezanî dîyeno û vat: ''Bawerîya na dewe elewîtî ya. Bêhûrmetîyêka pîl a ke qereqolî ra ezan veng dano. Tirkîya de qet yew qereqolî ra vengê ezanî nêdîyeno la seba ke na dewa elewîyan a no yeno kerdene.''

Şaredarê Dêrsimî Mehmet Maçogluyî zî venga pêro hemwelatîyanê dewe da ke wa abigêrê erdê xo ser.

Aktîvîte dima ke cinîyan pîya kilama 'elqajîye' vate qedîyaye.