Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê dewleta tirke de eşkerayîye daye û nê pare kerdî:

''Gerîlayê Azadîye yê Kurdîstanî bi taktîkanê gerîlayan ê dewrê neweyî têdima danê  artêşa tirke ya îşxlakere ro. Çalakîyanê hêzanê ma yê ke bi ruhê fedayîtîyî şer kenê de 7 îşxalkerî ameyî cezakerdene û îşxalkerêk birîndar bi, droneyêk û sîstemê kamerayêka termale ameyî îmhakerdene.  Artêşa tirke ya ke vera têkoşînê hêzanê ma nêeşkena aver şiro vera mewzîyanê şerî  çeka kîmyewîye û bombaya fosforî şuxulena. Detayê çelekîyan wina yê:

Avaşîn

19ê temmuze de mewzîyê îşxalkeran ê Kanî Biyê yê Mervanosî hetê hêzanê ma yê YJA Starî  ra ameyî pirodayene. Çalakîye de sîstemê kamerayêka termale ame îmhakerdene.  

Zap

21ê temmuze de drono çekdaro ke semedê bombardumanê mewzîyanê şerî yê Şehîd Adilî şawiya hetê hêzanê ma ra ame wardayene.

Metîna

20ê temmuze de Warê Xoverdayîşî yê Girê Amedîye de hêzanê ma di rey çalakîya sabotajî kerde. Çalakîyan de 6 îşxalkerî ameyî cezakerdene û îşxalkerêk birîndar bi.  Helîkopterêk zî pê çekanê giranan ame pirodayene û hema ke leşkerî ronênayî peyser agêra. Eynî roje Warê Xoverdayîşî yê Girê Cûdîyî de îşxalkerêk ame cezakerdene.

Bombarduman

 Artêşa tirke 20 temmuze de mewzîyê şerî yê Warê Xoverdayîşî yê Girê Amediyê, Girê Hakarî, Çemço û Şikefta Birîndara pê çekanê kîmyewîyan û teqaberan û Şikefta Birîndara  pê bombaya fosforî dayî bombayan ver. Reyna warê Girê Bihar, Girê Amediyê, Sîda, SacaGirê Amediyê, Girê Hakarî, Kurojahro, Werxelê, Karker, Girê Şehîd Hakî, Girê Şehîd Kamuran pê teyara, helîkopter û obusan dîyayî bombayan ver.''