Kampa Şehîd Rûstem Cûdîyî ya Mexmûrî de hemwelatîyanê ke SÎHAyan keyeyê înan dayî bombayan ver vera hêrişî nêrazîbîyayîşê xo mojna û vat: ''Teyarayanê şerî yê dewleta tirke ya îşxalkere domanan ser o bombayî varnayî.''

Hemwelatîyan ra Zozane vat: ''Serê sibayî hêriş ame kerdene. Hêriş de seke şima zî vînenê no cayo ke dadî verê domana xo de bîue, pêro camî rijîyayî înan ser. Hêriş de wexto ke dadîye doman xo vejîyayêne teber hêrişê keyeyî ci ame kerdene û dadî birîndar bîye. No zulm heta key do dewam bikero. Odaya bînî de zî domanêk rakewte bi, hema rewşe qewimîyaye. Pêro pancerayê keyeyî rijîyayî. Dewleta tirke keyeyanê sivîlan dana bombayan ver. Domanan ser o bombayan varnena.''

Nîyazî: ''Teyarayan qasê 50 metreyî cêrê bînaya ma da bombayan ver. Hêriş de camê pancerayanê ma rijîyayî. Hêriş dormeyê 08:20 de ame kerdene. Ma rakewte bîyî, camî ma ser o rijîyayî.  Dewleta tirke domanan û sivîlan ser o bombayan varnena. Ganî Iraq û Neteweyê Yewbîyayeyî vera ney wurzê payan ser.''