Hêrişê dewleta tirke yê vera Kampa Şehîd Rûstem Cûdîyî ya Mexmûrî ra dima roniştoxan cayê serebûtî de eşkerayîye daye.

Endamê Meclîsê Şarî Elî Urekî eşkerayîye wende û sere de dewleta tirke ya îşxalkere, hemkarê ci şermezar kerdî.

Urekî vat: ''Keyeyê sivîlan dîyayî bombayan ver. Hêriş de zerar nêresa ganê çewî. Pê nê hêrişan armancê Tirkîya kampa ma ya. Hewteyêk o hasmênê ma ser o teyarayê keşfî yê bêmerdiman û biçekan (SİHA-ÎHA) bêmabên gêrenê. Iraq û hêzê bînî vera nê hêrişan bêveng ê. Ê armanc kenê ke Têgêrayîşê Azadîye tasfîye bikerê, kampa ma vila bikerê. Her kes bizano ke ma seba azadî, dewa û haştîye tîya de yê. Dewleta tirke wazena hêrişanê nêmcetmendeyan ê DAÎŞî temam bikera. Dima ke înan Şingalî ser o bombayî varnayî ma zana ke dore ha yena ma.

Ma venga pêro selahîyetdaran danê ke erk û mesuldarîya xo bîyarê ca. Mebê hemkarê dewleta tirke ya faşîste. Ma venga şarê kurdî danê ke wayîrê rûmet û kerametê xo vejîyo. Sey şarê Mexmûrî ma pê xoverdayîşî dest pêkerd, ma do xo ver bidê. Vera ma çend hêrişî bêrê kerdene, ma ser o çend pêkerdişî bivirazîyê zî ma Rayberîya xo reyde yê.''

Eşkerayîye pê sloganê 'Bê Serek cuye nêbena' û 'Xoverdayîş cu yo' qedîyaye.