Goreyê zanayîşanê ke ameyî girewtene wesayîtê hewayî yê bêmerdiman nêzdîyê Kampa Serdeştî ya ke serê Koyê Şingalî de wesayîto sîvîl hedef girewt.

Wesayit xesar di la merde birîndarî çîn ê. Serê Şingalî de firdayîşê SÎHAyan dewam keno. Verî zî na kampe hetê dewleta tirke ra hedef amebî girewtene.

Endama TAJÊ cinîya bi nameyê Kine vera hêrişê dewleta tirke hersê xo wina ard ziwan:  ''Teyarayanê şerî yê dewleta tirke da wesayîtêkê sîvîlî ro.  Domanê ma zaf tersayî. Ma 7 serrî yo tîya xeyman de ciwîyenê. Ê nêzanê na kampe de û wesayît de kam êstê? Xeyman de domanî estê, nêweş û extîyarê ma estê. Nînan de qet merdimîye nêmenda. Heqê merdiman ho ça? Hema zî gonîya ma ra mird nêbîye, pê teyarayan danê ma ro. Ez veng dana heme êzidîyanê ke wayîrê qalê yê wa çîyêk bikerê. Ewro teyarayanê şerî yê dewleta tirke kampe de da ma ro. Wa vengê ma bidê eşnawitene. Wa verê nê hêrişanê ke vera herra Şingal û Iraqî yeno kerdene bêro birnayene.''

Meyane Yusuf zî ters û hersê xo wina ard ziwan: ''Ma zaf tersayî, gama ke vengê teqayîşî ame, ma vat qey da xeymanê ma ro. Domanê ma zaf tersayî. Leşkerê Iraqî tîya de yê la ne ê ne zî Iraq çîyêk nêkenê.  Ma fermanî ra xelisîyayî nika zî nê hêriş kenê.''