Cenazaya dîrektor Mensûr Kerîmîyano ke Rojawan de hêrişê dewleta tirke ya îşxalkere de şehîd bibi, dewleta Îranî nêverda ke Rojhelatê Kurdîstanî de bêra definkerdene. Coka cenaza Başûr de ameye definkerdene.
Sînemager Mensûr Kerîmîyan 23yê kanûna 2023yî de Rojawanê Kurdîstanî de netîceya hêrişê dewleta tirke ya îşxalkere de şehîd bibi.
Cenazaya Kerîmîyanî 30ê kanûne de bi merasîmêkî erşawîyaye Başûrê Kurdîstanî. Silêmanî de zî 31ê kanûne de bi beşdarîya hunermend, temsîlkaranê partî û rêxistinan û kesayetan seba cenaza merasîmêk ame kerdene.
Cenaza qaşo şaristanê Sine yê Rojhelatê Kurdîstanî ra do biameyêne definkerdene. La dewleta Îranî nêverda ke cenaza derbazê Rojhelatê Kurdîstanî biba.
Coka keyeyî bire daye ke cenaza 7ê çeleyî de saete 10.30 de Goristanê Şêx Ebasî yê Silêmanî de do defin bikero.
