Gerîlaya YJA-Starî Dunya Dilbirîne ard ziwan ke rolê cinîyan awanbîyayîşê neweyî yê Cengê Heftanînî de zaf eşkera beno.

Dunya Dilbirîne Cengê Heftanînî de warê Xantûra de vera îşxalkeran şer kena. Dilbirîne pare kerd ke gerîlayî rixmê teknîk û bombardumananê dewleta tirke reyna zî bi hawayêkê tarîxîyî xo ver danê û vat: ''Her ke xoverdayîş beno pîl, bawerîya bi serkewtişî zî zêdîyena. Embazî, moral û bawerîya ma zî xoverdayîş kerd zixmêr. Gerîlayanê ke wayîrê îradeyêkê zixmî yê derbê pîlî dayî dişmenî ro. Ma zanenê ke ma do ser bikewê. Heftanîn do bibo gorê îşxalkeran.''

Dilbirîne eşkera kerd ke cinîyî nê xoverdayîşî de rayberîye kenê û vat: ''Bektorya, Dûpişk, Şehîde Vîyane, Pîrbûla û Şeşdara de embazanê cinîyan rolê pîlî ardî ca.  Rolê cinîyan awanbîyayîşê neweyî yê Cengê Heftanînî de zaf eşkera beno. Embazanê cinîyan wexto ke şehîd bîyî zî wezîfeyê pîlî ardî ca. Ma sey teqîbkerdoxanê înan do Cengê Heftanînî berê heta serkewtişî.''