Endamê Heyetê Rayberdişê Merkezî yê HDPyî û Hemvervatoxê Ciwanîye Serhat Aktumur hetê hîrê kesanê ke kartê MÎTî ramojnayî a ame remanyene û bi vatişê ''Eke ma to reyna tîya vînê, ma to mirênenî'' ame tehdîtkerdene.
Endamê Heyetê Rayberdişê Merkezî yê Partîya Demokratîke ya Şaran (HDP) û Hemvervatoxê Ciwanîye Serhat Aktumur Kayapinar de hetê hîrê kesanê ke kartê MÎTî ramojnayî a ame remanyene û bi vatişê ''Eke ma to reyna tîya vînê, ma to mirênenî'' ame tehdîtkerdene.
Aktumurî vat: Înan kartê xo ramojnayî û waşt ke mi dir qisey bikerî. Dima ke mi qiseykerdiş red kerd înan bi debkediş mi eşt wesayît. Wesayît de ez raştê şîdetî ameya. Baglar de keso bîn nişt wesayît. Mi xîret kerd ke biremê la nêeşkaya. Kent Ormanê serê rayîrê Farqîn de ez çimqefilnayene wesayîtî ra ameya warardene. Kesêkê xo sey ''Komîser Nîhat'' name kerdêne mi semedê şîyayîşê ÎHD û qiseykerdişê çapemenî hîşyar kerd. Mi rê va ''Eke ma to reyna tîya vînê, ma to mirênenî'' û ez ûca veradaya. Dima ra gêrayî mi û vat siba bê ''Komîser Nîhat''î vînê.''
