Ma serê sibayî rew ma ver bi Ertûş kewtî rayîr. Ma Zagrosî ra vejîyenê cor. Di embazanê cinîyan ma pêşwazî kerdî; embaze Eylem mêrdinij a, embaze Vejîne qamişloyîj a. Dûrî ra vengêk vano 'Eke ti fotografanê ma nêgêro ma to qebul nêkenê.' Nameyê ci Zîndan o, nameyê xo embazê xo yê şehîdî ra girewto. Pêro pîya perwerê Fermandarê şehîdî Alî Pilingî yê. Tek armancê înan esto; do dişmenî Zagrosan ra vejê.

Embaze Şîlane Koçer embazê do şinasnayene: ''Tîya wareyê Xelîl Dagan, Botanan, Azad Sisera, Reşît Serdaran, Rojîne Gevdayan, Devrîm Amedan o. Tîya cayê xoafernayîşê çêran o. Zagros!'

Zîlane wexto ke qala xo kena şermayena la wexto ke qala embazanê xo kena qisey kena. Şîlane tewr nêqefilîyayêne. Embazê ci ameyî hetê mi û înan mi rê vat: ''Embaze Şîlane têna xeyalê ci kena ke doçkaya ci reyde fotografê ci estbo.'' Şîlane ra ver embazanê ci no waşt. Çunke gerîlayî hêverî embazanê xo fikirîyenê.

Şîlane vatêne qey a erey tewra gerîlayan bîye coka tim poşmanîya xo ardêne ziwan. Tim huyayêne û vatêne ''Çira ez hende erey ameya, werrekna hema ke rew biameyêne.''La embazanê ci vatêne seke embaze Şîlane gerîlaya serran a. Hende fedakar a.

Nameyê doçkaya Şîlane ''Şêre'' bi. Gerîla Şîlane hetêkî ra seba fotografî gêrayêne çîçeka tewr rinde hetêkî ra zî qala embazanê xo kerdêne. Vatêne: '' Tîya de her ca cayê şehîdan o. Ma reya verêne çîyêk nêkenê. No çir çirê şehîd Zagrosî yo, na dare dara şehîd Uveysî ya, no gir girê şehîde Arjene ya.''

Tarîxî reyde verarşîyayîş raştîya PKKyî ya. Rayberê Şarê Kurdî Abdullah Ocalanî na raştîye musnaye gerîlayan. Şîlane Koçer layîqa Rayber Apoyî, şarê xo û gerîlayan bîye.