Endama Meclîsê Partîye yê HDPyî Hatîce Buşra Kuyuna 4ê gulane de kuçeyê Maraşî yê Wanî de hetê polîsan ra amebî remanyene û ci rê gef amebi wendene. Hatîce seba ke serebût eşkera kerd ci rê dewa ameye akerdene. Serdozgerîya Komare  bi îdîaya 'bîya sebebê kîn û dişmenî' derheqê Hatîce de îdîanameyêk amade kerd. Îdîaname hetê mehkeme ra ame qebulkerdene.

Hatîce Buşra derheqê serebûtî de eşkerayîyêke dabi û vat: ''Ma na hîşmendîye serranê 1990an ra şinasnenê. Êyê ke vurîyayî têna wesayîtê Torosî yê. Ê wextî ra nata vera kurdan operasyonê qirkerdişê sîyasî û fîzîkîyî yenê kerdene.''

Derheqê kesan de ke Hatîce Buşra remnaye, dewa nêameye akerdene.