Konseya Serekîya Pêroyî ya KCKyî bi wesîleya serrgêra Komployê 9ê Teşrîna Verêne eşkerayîyêke daye. Eşkerayîye wina ya:

''Ma Komployê Mîyanneteweyî yo ke 9ê teşrîna verêne ya 1998î de şexsê Rayber Apoyî de vera şarê kurdî ame kerdene, serra 23. de bi kîn û hêrsê pîlî reyna şermezar kenê. Ma Rayber Apoyî bi rêz û herkerdişî selam kenê ke vera şert û mercanê esîrkerdişî î vera komployî bi xoverdayîşêkê bêhempayî cewab da û komplo pûç kerd. Ma şehîdanê 'Şima nêeşkenê tîja ma tarî bikerê' reyna yad kenê. Ma asta wayîrvejîyayîşê Rayber Apoyî yê şarê xo û dostanê ma selam kenê û xoverdayîşê înan ê 23 serran ê vera komployî xo ver danê.

Dewletanê emparyalîstan destpêkê seserra 20. de kurdî sey netewe û wayîrê ziwan, kultur û nasnameyî qebul nêkerdî. Înan estbîyayîşê kurdan red kerd û kurdî teberê sîstemî de verdayî. Netîceya peymanan de ke mabênê xo de kerdî, cografyaya Kurdîstanî şarê ci reyde parçe kerde û stratejîya winasêne arde ca. Parçeyo tewr pîl zî dewleta tirke rê verda. Dewleta tirke peymananê mîyanneteweyîyan ra hêz girewt û vera şarê kurdî se serra sîyasetê înkar û çinkerdişî ard ca ke no proses hema zî dewam keno. Êyê ke vera qirkerdişê kurdan ê se serran weriştî payan ser Rayber Apo û Têgêrayîşê Azadîye yo.

Waştişê Amerîka yo tewr pîl ê seserra 21. caardişê projeyê Rojhelatê Mîyanênî yê Pîlî yo. Înan vera caardişê nê projeyî de Rayber Apo û Têgêrayîşê Azadîye sey astengîye dîyî. Coka verî ke înan Rojhelatê Mîyanênî rê mudaxele bikerê Rayber Apo bi hawayêkê korsanwarî tedlîmê dewleta tirke ya îşxalkere kerd. Înan bi nê komployê gêmarinî hedef kerd ke kurdî seserra 21. de azad nêbê, wayîrê nasname û îradeyî mebê. Bi nê hawayî sere de Kurdîstanî de û cografyaya Rojhelatê Mîyanênî de nê bingeyî ser înan waşt menfaatanê xo yê kapîtalîstan newe ra dîzayn bikerê.

Raştîya ke Rojhelatê Mîyanênî de her çi do pê armancê hêzanê hegemonan nêno ca netîceya têkoşînê ewroyînî yê şarê kudî de sey hewcedarîye vejîyaye werte. Reşw nikayêne de 23 serrî serê Komployê Mîyanneteweyî ra derbaz bîyo. Rojhelatê Mîyanênî de Şerê Dinya yo Hîrêyîn yeno kerdene ke no şer hema zî dewam keno. Şerê Dinya yê Hîrêyînî de kurdî bîyî wayîrê têkoşînêkê pîlî, netîceya nê têkoşînî de kurdan destkewteyê pîlî vistî destî. Kurdî ewro eqsê seserra 20. bi îradeyê entelektuelî yê polîtîkî bîyî şarêko polîtîk û rêxistinkerde. Goreyê verî kurdan ziwan, kultur, nasname, hêzê rêxistinîya polîtîke zêdêr aver berdî. Kurdan vera dewletanê netewe, qirker, kolonyalîstan de çok nêda erdî do, sere wedarit û bi rûmet, azadîwaştoxî, bi tewirêkê têkoşînerî vejîyayî werte. 

Raştîya kurdan a ke bênasnamebîyayîşî ra heta koletîye tewrê xo yê 'yan cuya azade yan zî merg' berz kerd ke no berhemê Rayber Apoyî yo. Rayber Apoyî komelê kurdan nêweşîya bêrêxistinîye ra xelisna coka mezg û zerrîya kurdan de ca bi. Bi nê hawayî kurdî kewtî rayîrê cuya azade. Têgêrayîşê Azadîye yê Kurdan semedê azadîya şarê kurdî heta peyênî têkoşîn kerd. Desê înan de çiqas çekî zî estbê resayî a aste ke hînî cuya koleyan rê mehkum nîyê.

Ruho ke Rayber Apoyî mîyanê şarê kurdî de awan kerdo, ruhê wayûbiratîya şaran o. Nê erdê Kurdîstan û Rojhelatê Mîyanênî de ke sîstemê netewe-dewlete wazeno bikero yewreng, pê têkoşînê Rayber Apoyî reyna awanîya xo ya cewherîye ya zafkulturkîye viste destî. Rixmê barbarî û dejanê pîlan zî şarê kurdî serê xeta Rayber Apoyî de şino, dejanê xo derman keno û hertim bi qerardarî têgêreno.

Nasname û kulturê Rojhelatê Mîyanênî reyna dest pêkerd ke bi azadî pîya biciwîyê, no zî semedê merdimîye qewimîyayîşêko pîl o. Fikranê demokratîkan ê Rayber Apoyî yê vera nîjadperestîye no çi ard ca. Kerdişo tewr pîl o yo ke Rayber Apoyî koleyanê bêziwan û bênasnameyan ra ewro xebatkarê hêvî afernayî. Rayber Apoyî pê têkoşînê xurtî û fikrê neweyî, kulturê merdeyî, cinîyê ke bêqîmet vera dîyayî û gandarbîyayîşê xoza ardî ca. Çunke sîstemê fikrî yê Rayber Apoyî de gandarbîyayîşê xoza, berzbîyayîşê azad û yewbîyayîşê xoza estê. Netewebîyayîşê kurdan ê demokratîkan bi temînato tewr pîl ê azadîya ma. Xoverdayîşê cinîyan ê kurdan xêrê moral û hêzê Rayber Apoyî ra bîyo lapato tewr pîl ê vera sîstemê kapîtalîstî.

Fikrê dmeokratîk, ekolojîk û azadîya cinîyan ê Rayber Apoyî roje bi roje zêdêr fam benê, mîyanê komelî de vila benê û wayîrê înan yenê vejîyayene. Çunke sîstemê fikrî yê Rayber Apoyî de cayê faşîzmî, nîjadperestî, cînsîperestî, neheqîye û bêexlaqîye çin o. Coka pawitişê Rayber Apoyî, tewirê vera kapîtalîzmî yo. No yeno mana tewirê vera nîjadperestî, serwerîya sîstemê camêrdan û dişmenîya serê xoza. Pawitişê Rayber apoyî yeno manaya wayîvejîyayîşê erjanê demokratîkan, azadan û têdûştîya seserra 21. Pawitişê Rayber Apoyî tewirêko antîkapîtalîst, sosyalîst û demokratîk o. Vengdayîşê 'Înîsîyatîfê Ocalanî rê Azadîye' ser o 2ê teşrîna verêne de Strasbourg de nawnayîşêk ame kerdene.

Nawnayîş de mesajê şarê ma û dostanê ercîyayeyan vejîyayî werte. Coka dewleta Fransa nawnayîşî rê tehamul nêkerd û sey polîsanê AKP-MHPyî hêrişê çalakîkeran kerd. Dewleta Fransa bi nê tewirê xo reyna eşkera kerd ke ê paştî danê rejîmê faşîstî yê Erdoganî û Bahçelîyî.Ma nê tewirê ci ra semed Fransa şermezar kenê. Ma şarê xo û dostanê xo yê ke tewrê nê nawnayîşî bîyê selam kenê.

Neyarê ma wazenê ke sey şarê kurdî û têgêrayîşî ma newe ra tarîxî ra tira bibê. Wazenê erj û dewtkewteyê ke Rayber Apoyî û têgêrayîşê ci pê bedelan afernayî, werte ra wedarnê. Armancê înan o yo ke kurdî apey şorê, abigêrê prosesê verê PKK û Rayber Apoyî. Têkoşînê ma yê 50 serrî çin hesibnenê. Kurdan rê rewşa verêne û çarenusê verênî ferz kenê. La qet nêwazenê bivînê ke no hînî mumkîn nîyo. Xora armanco verên ê tecrîdê vera Rayber Apoyî no yo. Coka nêdîyeno ke eke Rayberê şarêkî esîr û tecrîdkerde bo o şar azad nêbeno. Coka kurdî û dostê înan her roje pê vateyê 'Rayber Apoyî rê azadîye' vejîyenê kuçe û waran, gerîlayê azadîye xoverdayîşê 38 serrî rê dewam kenê, dewleta tirke ya îşxalkere û hemkarê ci her roje tecrîdî giranêr kenê. Hêzê hegemonî yê mîyanneteweyî semedê menfaatanê xo tecrîdî nêvînenê. Dezgeh û rêxistinê heqanê merdiman ê sey Konseya Ewropa, MHME û CPTyî çimê xo tecrîdê Îmraliyî rê û polîtîkayanê vera kurdan rê qefilnenê û benê hemkarê sûcanê rejîmê şerî yê AKP-MHPyî. Senî ke her çalakîye û aktîvîteyê şarê kudî û dostanê înan ganî Konseya Ewropa û dezgehê heqanê merdiman ê Konseya Ewropa vera tecrîdê mutlaqî, caardişanê şerê taybetî yê AKP-MHPyî xo kerr, kor û lal nêkerê.

Konseya Ewropa û dezgehê heqanê merdiman ê Konseya Ewropa şarê dinya û şarê kurdî sey dezgehanê wayîrrumetan vînenê. Ê semedê wedarîyayîşê tecrîdê vera Rayber Apoyî ganî rolê xo bîyarê ca, cade waştişanê şarê kurdî û dostanê înan peyda bikerê. Çareserîya pratîke kamca de biba kurdî û dostê înan do pê erjî her roje kuçeyan û meydanan de bîyarê ziwan. Goreyê ney ganî heyetêkê CPTyî cade şoro Îmrali, derheqê rewşa Rayber Apoyî û 3 tepişteyanê bînan ê Îmraliyî de agahîyan bido şarê ma, têgêrayîş û rayaumûmîya demokratîke, dima zî bikero ke avûkat û keyeyê Rayber Apoyî pêvînayîşê sîstematîkî bikerê.

Hetê bînî ra 'cezaya muebede ya girane' ya ke dewleta tirke ya kolonyal-qirkere semedo ke Rayber Apoyî ceza bikera viraşta, dima zî vera bi desan tepişteyan arda ca ganî û Mehkemeya Heqanê Merdiman a Ewropa (MHME) bire daye ke goreyê Krîteranê Heqanê Merdiman ê Ewropa (KHME) nîya ganî Konseya Ewropa û pêro dezgehê ci wayîra na bira MHME vejîyê û na babete de erk û mesuldarîya xo bikerê.

Semedê qedînayîşê komployî têkoşînê serrgêra 23. de rol û mîsyonêko pîl keweno milê ciwan û cinîyan ê kurdan. Nê esasî ser o ganî sere de ciwan û cinîyî ma venga pêro parçeyanê Kurdîstanî, teberê welatî, şarê xo yê welatperwer û dostanê ma yê ercîyayeyan danê ke bi qerardarîya şiknayîşê tecrîdê mutlaqî û binkerdişê komployî, heta azadîya fîzîkî ya Rayber Apoyî, têkoşîn pê şîarê 'Wextê Azadîye' berz bikerê, rêxistin bikerê, hêzê xo pîl bikerê û çalakîyanê xurtan bikerê.''