Dr. Mechthilde Exoya ke Heyetê Haştîye de ca gêna derheqê pêvînayîşan û çimdarîya xo de ANFyî rê qisey kerd.

Dr. Mechthilde Exo ê seba ke verê hêrişanê Tirkîya bigêrê şîyî Başûr û vat: ''Nê hêrişî vera şar û xozaya Kurdîstanî yenê kerdene û hêrişê îşxalî yê. Ma xîret kerd ke hem nê hêrişan vindarnê hem zî têgêrayîşanê azadîya cinîyan reyde cuyêka hempare û azade awan bikerê. Coka ma bi qerardarî hetê şarê kurdî de yê.

Ma vera qirkerdişê cinîyan Ewropa û welatanê bînan de zî têkoşîn kenê. Başûr de rewşa cinîyan zaf xirab a. Cinîyê Başûrî pê hesîyenê ke çi qewimîyeno û xoverdayîş de qerardar ê. 

Ma Başûr de xeylêk astengîyî dîyî. Xeylêk endamê ma erşawîyayî welatanê xo. Tay kesî nêeşkayî xo biresnê Kurdîstan. Pêvînayîşê ma ameyî astengkerdene. La naye ra xirabêr ê destûr danê kerdişanê Tirkîya. Destûr danê ke Tirkîya baregehanê leşkerîyan awan bikera, bombayan bivarna û bikişa. Ma uja de kamî reyde qisey kerd waşt wa Tirkîya erdê Başûrî biterikna. Çîyê ke Başûr de qewimîyenê de demokratîk nîyê.''