Dewleta tirke hema roja Qirkerdişê Armenîyan  ê 1915î de dest pê seferêkê winasênî kerdbi. Înan amadekarîya çinkerdişê fedayîyan kerdêne, fedayîyan zî amadekarîye kerdêne ke derba peyêne bidê ro artêşa kolonyalîste ro.

Bombardumano ke mîyanê roje dest pêkerd heta şanî dewam kerd. Înan pê hersê pîlî koyanê Kurdîstanî ser o bombayî varnayêne.106 serran ra dima faşîzmî dest pê seferêkê neweyî yê qirkerdişî kerdbi. Îmkanê xo pêro seferber kerdî û pare kerd ke Kurdîstan de dest pê seferê qirkerdişî kerdo.

Fedayîyî pê baldarîyêka pîle pabeyê hela pêşwazîkerdişê îşxalkeran bîyî. Şan newalanê Zagrosan de vengê çêranê Kurdîstanî berz bîyî. Pê tilîlîyanê sloganê 'Biciwîyo Serek Apo' newalê xorinî yê Zagrosî lerznayî. Fedayîyî vejîyayî meydanê cengî, vengê fîşekê verênî ame û hînî ceng dest pêkerd.

Îşxalkeran bombarduman vindarna û bi desan helîkopteran reyde xîret kerd ke leşkeranê xo Girê Mamreşoyî de bîyarê war. Fîloyêkê teyarayan erdî ra nizmî de perayêne ke tesîrê psîkolojîkî bikero. Seke Osmanîyan pê marşê mehterî xîret kerdêne leşkeran motîve bikerê artêşa pê pereyan zî vengê teyarayan de asayîya xo dîye. Seke ameyî pîknîkî hende serxweş bîyî.

Wird helîkopterî zî cade raştê cewabê gerîlayan ameyî û neçare mendî ke herême biteriknê. Hacetanê têkilîye ra vengê tilîlîyan û serkewtişî ameyêne. Artêşa tirke naye ra dima dest pê bombardumanî kerd. Fermandarê gerîlayan hacetê têkilîye ra vat: ''Embazênê no hema destpêk o, tedbîrê xo bigêrê, vera bombardumanî xo bipawê. Ê do newe ra biceribnê coka amade bibê.''

Zagrosan de vengê şerî berz bi.  Tîya de têna çend se gerîlayan û artêşa NATOyî şşer kerdêne. Vengê helîkopteran herême de berz bîyî. Gerîlayan pê rayîrê hacetanê têkilîye koordîneya xo kerde û da helîkopteran ro. Hacetî ra nê vengî ameyêne: ''Pirode pirode, meverdê wa bêrê'

Şer şewe beno giran. Komêka gerîlayan amadekarîya çalakîyan kena, fermandarê gerîlayan  pê şîfre qisey kenê. Dima şer dest pê keno. Gerîlayî derba yewîne danê dişmenî ro. Şer qasê 20 deqayan dewam keno. Dişmen xeylêk kişteyanê xo herême ra gêno. Dima bi giranî herême dîyena bombayan ver.

Tarîtîya şewe pê bombardumanî bena roşnî. Artêşa îşxalkere xîret kena ke cayê yewînanê gerîlayan tesbît bikera û bida piro. Îşxalkerî nêeşkenê pê bombardumanî  şorê tunelanê gerîlayan. Gerîkayî wexto ke bombardumanî vindenê kewenê çeperan û danê îşxalkeran ro. Artêşa îşxalkere neçare manena ke xo apey bianca.

Gerîlayî pê hêvî û qerardarîyêka pîle îşxalkeran bin kenê. Şewe îşxalkeran rê giran bena nêqedîyena. Warê Mamreşoyî yê Avaşînî de çend saetan de şer wina dewam keno. Bi nê hawayî vera hêrişê îşxalkerî yê kolonyalîstan Hemleyê Şorişgêrî yê Bazanê Zagrosî pê bawerîyêka pîke dest pêkenê.

Gerîlayî bi çêrî xo ver danê. Waştiş û qerardarîya xoverdayîşî her wextî ra xurtêr ê. Ganî nêro vîrakerdene ke np şer şerê şarêkî yo. Şarê kurdî pê ewladanê xo yê çêran çend sereberz bibo heqê ci yo.