Fermandarê Eyaletê Mêrdînî yê HPGyî Hasan Mahmûdî (Hewram Awyer) 30ê gulane de qezaya Nisêbînî ya Mêrdînî de Koyê Bagokî de pa 2 gerîlayan şehîd bibi. Cenazaya Mahmûdîyo ke Rojhelatê Kurdîstanî ra yo, Goristanê Bêkesan de amebî definkerdene.

Keyeyê Mahmûdîyî testê DNA ra dima cenaza girewte û qezaya Rêya Armûşî ya Wanî de, Goristanê Karşiyaka de serê sibayî saete 05.00 de defin kerde.

Konvoyê cenaza rayîr de hetê leşker û polîsan ra ame vindarnayene û beşdaranê konvoyî ra GBT ame ferzkerdene. Polîsan nêverda ke ferdanê keyeyî ra ber çew derbazê goristanî bibo.