Fermandarîya Eyaletê Serhedî eşkerayîya xo ya nuştekîye de da zanayene ke înan tesbît kerd ke herême de bi nameyê rêxistine pere yeno diznayene û şar hîşyar kerd.

Eşkerayîye de nê ameyî vatene: ''Hêzanê ma tesbît kerd ke herêma Serhedî de bi şuxulnayîşê nameyê rêxistina ma tay kesî şarê ma yê welatperwerî ra pere diznenê. Yaşar Karadeniz, Harun Oral û babîyê ci Halit Oral bi şuxulnayîşê nameyê rêxistina ma kenê ke şarî ra pere arêdê. Bitaybetî Yaşar Karadeniz verî zî sûcê winayênî kerdbî; sûcê sey diznayîşê erjanê rêxistine û şarê kerdbî.

Ma veng danê şarê xo yê welatperwerî  yê Serhedî wa nê dizdanê erjî rê mexapîyo,  wa hîsgêr û wayîrê tewir bo.  Wa bêro zanayene ke; rêxistina ma wezîfeyo winayên nêdayo nê kesan. Nê kesê ke qala ci yena kerdene ma înan zî hîşyar kenê ke  destdergkerdişê erjanê şarê ma sûco gird o, wa cadeverdî.''