Fermandarîya Qerargehê Merkezê Pawitişê Şarî (MPŞ) bi eşkerayîyêke şerwan û fermandarê Hemleya Şorişgêre ya Şehîd Savaş Maraşî ya Cengê Xabûrî çalakîyanê înan ê serkewteyan ra fîraz kerdî.

Eşkerayîye wina ya:

''Her çî ra verî ma bi ruhê Xoverdayîş û Serkewtişî yê 14ê Temmuze embazanê ke şer kenê selam kenê.

Ma serra 40. ya Çalakîya 14ê Temmuze xo pey de verdenê. Zaf girîng o ke serra 41. de bi heman bawerî, qerardarî ruhê têkoşînî yeno caardene, xeta xoverdayîş û serkewtişî ya PKKyî koyanê Kurdîstanî de yena geşkerdene û bi çalakîyanê gerîlayan ê bitesîran yena selamkerdene. Tewirê xoverdayîşî yo ke şexsê Rayber Apoyî, gerîlayan û şarê ma yê welatperwerî de yeno dîyene, mojneno ke kokê PKKyî çewn xorin ê, tradîsyonê ci çendek xurt o û perwerîya bi nê tradîsyonê esîlî 40 serran o bêmabên dewam keno.

Artêşa tirke ya îşxalkera ke bi hêrişanê Zap, Metîna û Avaşînî waşt ke Başûrî îşxal bikerai nê armancê xo de ser nêkewte. Gerîlayanê ke bi îradeyê sey dêsî xoverdayîş rona verê artêşa tirke ya îşxalkere û her roje derbê giranî dayî piro, nêverda ke îşxalkerî biresê armancê xo. Artêşa tirke xîret kena ke hêrişê îşxalî waranê neweyan ra vila bikera û bi nê hawayî xo bixelisna. La no zî ci rê nêbeno derman û îşxalkerî zêdeyêr benê hedef. Artêşa îşxalkere seba ke xo rewşa tengbîyaye ra bixelisna şewa 4ê temmuze vera rojawanê Zapî  hêrişê îşxalî zêdînayî. Labelê embazanê ma yê ercîyayeyan çarçewa Hemleya Şorişgêre ya Şehîd Savaş Maraşî ya cengê xabûrî de şewa 4ê temmuze çalakîyan de 16 îşxalkerî ceza kerdî, derbî dayî 2 helîkopteran ro û bi nê hawayî cewabo verêne da.

Roja 5ê temmuze taktîkê suîkast û sabotajî pêser bi hawayêkê serkewteyî ameyî dewrevistene û 15 îşxalkerî ameyî cezakerdene.

6ê temmuze de embazanê ma da helîkopterî ro, dima vera baskêka dişmenî dafike naye ro û bi çalakîya gerîlayan a bikoordîne 13 îşxalkerî ceza kerdî. Bi taktîkanê suîkastî 9, bi taktîkê sereştişî 3 îşxalkerî ceza kerdî û derbe daye helîkopterêkî ro. Bi nê hawayî fatura birîyaye dişmeno ke waştêne Waranê Xoverdayîşî de aver şoro.

7ê temmuze de embazanê ma 2 îşxalkerê ke waştêne ver bi çeperanê şerî yê Girê Şehîd Pîrdoxanî şorê, ceza kerdî, şîyî cenazayanê înan ser dest na çeka Glockî, 2 tifinganê HK-416, 2 cîhazanê lazerî, 2 cîhazanê çeke û cîhazêkê îrtîbatî ser. Hetê bînî ra embazanê ma cenazaya leşkerê bi nameyê Nacî Kaygisizî vist binê kontrolê xo û bi nê hawayî îsbat kerd ke artêşa tirke qîmet nêdana cenazaya leşkerê xo û kişteyanê xo rayaumûmîya Tirkîya ra nimnena.

Serkewtişêko zaf girîng o ke taktîkê netîcegîrî yê gerîlatîya Modernîteya Demokratîke bi afernayoxî û westatî visîyayî dewre, bi metodê şerê tîma hereketîne derbî dîyayî dişmenî ro. Xêrê çalakîya şima ra, venga keyeyê Nacî Kaygisizî ame dayene ke cenazaya xo bigêro û no seba îşxalkeranê ke merdimîye ra bêpar ê, bîyo dersêka merdimîye.

Ma pêro fermandar û şerwananê nê serkewtişan ra selam kenê ke performansêko winasên ê şerî û çalakîyan afernayo. Ma pê bawer ê ke Hemleya Şorişgêre ya Şehîd Savaş Maraşî ya Cengê Xabûrî do serkewtişanê hîna pîlan rê dewam bikera. Ma pêro embazanê ke bi fedayî şer kerdo, bi heskerdiş û hûrmetî selam kenê, înan rê serkewtiş wazenê.''