Gerîlaya YJA-Starî Avaşîne Cûdî derheqê Qirkerdişê Parisî de ANFyî rê qisey kerd û şehîdê Qirkerdişê Parisî Sakîne Cansiz (Sara), Fîdane Dogan (Rojbîne) û Leyla Şaylemez (Ronahîye) yad kerdî. 

Gerîla Avaşîne Cûdî vat: ''Embaze Sara embazanê Rayber Apoyî yê verênan ra bîye. Embaze Sara Zîndanê Dîyarbekîrî de vera faşîzmî xoverdayîşêko pîl kerd. Xora aye qala nê xoverdayîşî kitabê xo yê 'Cuya Mi Tim Şer Bi' de bi zelalî kerda. Aye verê kesî de sereyê xo nêaard war û vera faşîzmî tewirêko qetî mojna. Metodê ci yê xoverdayîşî zî ma rê bi mîras. 

Ewro rayîrê embaze Sara de şexsê embazanê ma Delale, Leyla, Sorxwîn û Şîlanan de bi hezaran gerîlayê cinîyî şinê. Cinîyê şerwanî bi înadê azadîye yê embaze Sara vera dewleta tirke ya îşxalkere têkoşîn kenê.  Embaze Sara Zîndanê Dîyarbekîrî de faşîzm şikna. Keso sey Esat Oktayî zî nêeşka îradeyê embaze Sara bişikno. Embaze Sara îlhamê xoverdayîşê xo Rayber Apoyî ra girewto. Mabênê embaze Sara û Rayberîye de embazîyêka raştikêne est bîya. Coka şehadetê embaze Sara zaf tesîrê Rayberîye kerd.

Ma zî xoverdayîşê xo de Rayber Apoyî sey îlhamî gênê. Ma do tecrîdî bişiknê û azadîya Rayber Apoyî bîyarê ca. Ma xoverdayîşê Îmraliyî yê Rayber Apoyî û grevê vêşanîye yê tepişteyan selam kenê. Ma venga pêro ciwananê kurdan danê ke vera faşîzmî xo ver bidê. Ma soz danê ke rayîrê Sara, Rojbîne û Ronahîne de ser bikewê.''