Gerîla Kendal Kobanêyî pare kerd ke dewleta tirke bi mengan o nêeşkena xoverdayîşê gerîlayan bişikna, bêmabên çekanê kîmyewîyan xebitnena û vat: ''Xoverdayîş hema zî dewam keno. Ma do qetî ser bikewê.''
Gerîlayê HPGyî Kendal Kobanê gerîlayo 18 serre yo. Ey Hemleya Şorişgêre ya Bazanê Zagrosî de ca girewt. 8ê hezîrane 2021î de o mîyanê ê gerîlayan de bi ke reya verêne cewab da hêrişanê dewlete. Gerîla Kendalî ANFyî rê qala têkoşînê xo kerd.
Gerîla Kendalî vat: ''Ma zanayêne dişmen do hêrişê Werxelê bikero coka amadekarîya ma estbîye. key dişmenî hêriş kerd ma zî da ci ro. Dişmenî pê metodanê şerê psîkolojîkî xîret kerd ke netîce bigêro û vatêne 'Ma zanenê awa şima, erzaqê şima çin o, bêrê teslîm bibê.' Ma karakterê dişmenî şinasnayêne. Dişmenî pê çêrîye hêrişê tunelanê şerî nêkerd, pê rayîrê îstîxbaratê kontra û ajanan hêriş kerdêne.
Bi mengan o ma vera çekanê kîmyewîyan xo ver danê. Kutikanê bi kamera, vengdayîşê teslîmîyetî înan rê fayde nêkerd.Embazan lez tedbîrê xo girewtî. Leşkerî cewabdayîşê ma ser o remayî. Destê înan de têna teknîk esto. Teyarayê keşfî, helîkopterê skorskyî, kobrayî 24 saetan serê ma de gêrenê. Xoverdayîşê ma dewam keno. Ma verê xo da serkewtişî, ma do qetî ser bikewê. Ma do heta çinkerdişê hişmendîya dişmenî şer bikerê.''
