Gerîlaya YJA Starî Axîne Gabara ke xoverdayîşê Cengê Heftanînî de vera îşxalkeran şer kena qala xoverdayîşê cinîyan ê Heftanînî kerde.

Axîne Gabar bale ante ser ke xoverdayîşê Heftanînî de serkeşîya cinîyan vejîyena vernî û vat: ''No vindertiş tarîxî ra ma rê mîras mendo. Ma semedê Rayreberîye, şar û şehîdanê xo tîya nê xoverdayîşî de serkeşîye kenê. Xora mîsyonê serkeşîye ke Rayber Apoyî da cînîyan çew/e bi vatiş û nuştişî nêeşkeno bîyaro ziwan. Coka ma zî sey cinîyî do mîsyon û rolo ke dîyayî ma layiqê înan bê û bîyarê ca. Embazê cinîyî semedê  afernayîşê tewir û taktîkanê neweyan serkeşîye rê dewam kenê.

 Ganî ma hînî Rayberîya xo zîndanî ra vejê. Rayberîya ma tewr zaf cinîyan ra bawer kerd. Rayberîye senî ke semedê cinîyan kede daye ganî cinîyî semedê ey kede bide. Coka ma sey cinîyî Heftanînî de rolê  xo do kay bikerê. Xoverdayîşo ke cinîyî Heftanînî danê çew/e nêeşkeno qala ci bikero. Ma nê xoverdayîşî ciwîyenê. Ganî her  cinî, her merdim/e nê biciwîyo û vîno. Ma vînînê ke hemrayê ma kişta ma de senî bicoş û heyacan xover danê. Hela ke çew/e nayî vîneno moral û motîvasyon zedîyenê û xoverdayîş û têkoşîn pîlêr benê. Esmere, Zeryane Zelale û Warşîne ma rê têkşîn musna. Ma zî sey gerîlayê YJA Starî do rêça şehîdanê xo de têkoşîn bikerê.''