Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêka nuştkekîye daye û nê pare kerdî:

''3ê êlule de artêşa tirk a îşxalkere warê Gundikremo û Girê Hirmo yê herêma Koyê Cûdîyî yê Şirnexî bombarduman kerdî. 8ê êlule de saetanê şanî de warê Navsera Cûdîyî hetê helîkopteran ra ame bombardumankerdene. Dima ra pê skorskyan leşkerî herême de ameyî cakerdene û operasyon dîya destpêkerdene. Şewato ke badê bombardumanî herêmanê Gundikremo, Girê Hirmo û Navsera Cûdîyî vejîya hema dewam keno.

Çarçewa Hemleya Qesasî ya Şehîde Medya Mawa û Rizgar Geverî de 8ê êlule de hêzanê ma mintiqaya Wara ya herêma Kato Jirka ya Bêşebabê Şirnexî de da îşxalkeran ro. Netîceya çalakîya sûîqestî de leşkerêk ame cezakerdene.

Artêşa tirk a îşxalkere vera Herêmanê Pawitişî yê Medya hêrişê hewayî kerd. Na çarçewe de;  9ê êlule warê Sîda  û Gundê Fileha yê Zapî saetanê cemê şanî de hetê teyarayan ra ameyî bombardumankerdene. Eynî roje saetanê şanî de warê Stunê yê Avaşînî pê obusan ame bombardumankerdene. Şewato ke badê hêrişî de vejîya hema dewam keno.''