Merkezê Îrîtbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîya HPGyî wina ya:

''Çarçewa Hemleya Şorişgêre ya Cengê Xabûrî de herêma Heftanînî;

13ê tebaxe de saetanê veraşanî de warê Girê Şehîde Silave yê Pîrbila de îşxalkerî di hetan ra pê çekenanê giranan ameyî hedefgirewtene. Çalakîya koordînekerdîye ya gerîlayan de mewzîyêke û kamelyayêke dişmenî ke biîsabet ameyî pirodayene, ameyî îmhakerdene. Grûba bînî zî îşxalkeranê ke asayîşê rayîr wezîfedar bî da înan ro la hûmara merde û birîndaran ê dişmenî safî nêbîye.

Warê xoverdayîşî yê Girê Sorî û Werxelê yê Avaşînî;

25ê tebaxe de îşxalkeran Warê Xoverdayîşî yê Girê Sorî pê  çekenê giranan bombarduman kerd. Eynî roje vera Warê Xoverdayîşî yê Werxelê gazê kîmyewî ameyî şuxulnayene û pê çekanê giranan û madeyanê teqayîşî ameyî bombardumankerdene. Dima ra îşxalkeran waşt ver bi aver şirê la xoverdayoxanê Werxelê destûrê înan nêda. 26ê tebaxe de Warê Xoverdayîşê yê Werxelê de têgêrayîşê droneyan qewimîya. Bado ke xoverdayoxan mudaxaleyê ci kerd, droneyî warî ra peyser agêrayî. Eynî roje saetanê şanî de reyna vera nê warî gazê kîmyewî ameyî şuxulnayene.

25ê tebaxe de warê Kûnîşka yê Zapî û warê Kendekolê û Şehîdgehê Şehîd Şerîfî yê herêma Xinerê pê teyarayanê şerî ameyî bombardumankerdene.''