Metîna de Gerîlayanê Azadîye yê Kurdîstanî semedê emzanê xo yê ke bi çekanê qedexeyan şehîd bîyî çalakîya qesasî kerde. Çalakîye de 2 îşxalkerî ameyî cezakerdene û 3 îşxalkerî birîndar bîyî.
Merkezê îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:
“Herêma Metîna;
''3ê sibate de saetanê cemê sibayî de Warê Xoverdayîşî yê Girê Ortê de gama ke îşxalkerî ameyî pêser, ameyî hedefgirewtene. Na çalakîye de 2 îşxalkerî ameyî cezakerdene û 3 îşxalkerî birîndar bîyî. Dewleta tirke têna mergê çawiş Kadir Dingilî eşkera kerd û ê bînî nimitî. Na çalakîye hetê hêzanê ma yê YJA Starî ra semedê qesasê embazanê ma yê ke Warê Xoverdayîşî yê Girê Ortê de netîceya şuxulnayîşê çekanê kîmyewîyan û bombayanê qedexeyan de şehîd bîyî, ameye kerdene.
Herêma Xakurkê;
4ê sibate de saetê cemê şanî de Girê Şehîd Heqî de îşxalkerî bi çekanê giranan ameyî hedefgirewtene. Na çalakîye hetê hêzanê ma yê YJA Starî ra ameye kerdene.
Hêrişê dewleta tirke;
2,3 û 4ê sibate de warê Girê Zengil, Sêdarê yê Garê, warê Perexî yê Heftanînî, warê Ava Lolanê yê Xakurkê, warê Şehîd Îbrahîmî yê Zapî,warê Dergelê yê Metîna 8 rey bi teyarayanê şerî dîyayî bombayan ver.''
