Merkezê Îrtîbatî û Çapemenîye yê HPGyî derheqê çalakîyêka sûîkastî de bi eşkerayîyêke zanayîşî dayî.

Eşkerayîya HPGyî wina ya:

''Çarçewa Hamleya Şorişgêre ya Cengê Heftanînî de hêzanê ma 12ê êlule de Girê Şehîd Sîpanî yê warê Bektorya de vera artêşa TCyî ya îşxalkere çalakîya sûîkaste kerde. Na çalakîye de leşkerêkê dişmenî ame cezakerdene.

9ê êlule de artêşa tirke ya îşxalkere warê Îsmaîl Agayî yê herêma Koyê Sumbilî yê Colemêrî ser o bi helîkopteranê şerî bombayî varnayî, leşkerî ardî war û herême de operasyonêk da destpêkerdene. Wextê operasyonî de mabênê hêzanê ma û îşxalkeran de pêkewtişê giranî qewimîyayî.

Artêşa TCyî ya îşxalkera ke derbê pîlî werdî, herême daye bombayan ver. Embazanê ma Çekdar, Dilovan, Ronahî û Dersimî vera dişmenî bi hawayêkê çêrî şer kerd û şehîd bîyî. Nasnameyê embazanê ma dima rayaumûmîye reyde do bêrê parekerdene.

Artêşa TCyî ya îşxalkere vera Herêmanê Pawitişî yê Medya hêrişî kerdî;

12ê êlule de teyarayanê şerî yê artêşa TVCyî ya îşxalkere dewa Peraxî ya herêma Heftanînî ser o bombayî varnayî.

10ê êlule warê Tirvanşî ya herêma Metîna û 12ê êlule warê Mervaosî ya herêma Avaşînî ser o bi obus û hawanan bombayî ameyî varnayene.

Netîceya nê bombardumanan de wird herêman de zî şewat vejîya û nê şewatî hema zî dewam kenê.''