Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerîye daye û nê pare kerdî.

Xakurkê û Zap de çalakîyî

''18ê tebaxe de Girê Şehîd Şahanî yê herêma Xakurkê de mewzîyê îşxalkeran pê çekanê giranan bi îsabet ameyî pirodayene. 21ê tebaxe de warê Cîloya Biçûkî yê herêma Zapî de vera îşxalkeran çalakîya sûîqastî ameye kerdene, îşxlakerêk ame cezakerdene.

Herêmê xoverdayîşî yê Avaşînî

22ê tebaxe de îşxalkeranê ke warê Girê Sorî bombarduman kerd dima ra waşt ke ver bi warê xoverdayîşî aver şirê. Badê mudaxaleyê xoverdayoxanê Girê Sorî îşxalkerî destveng mecbur mendî peyser agêrê. Eynî roje  warê xoverdayîşî yê Werxelê saetanê nêmroje de hetê qereqolanê sînorî ra pê çekanê giranan û saetanê şewe de zî 5 ray pê madeyanê teqanayîşî hetê îşxalkeran ra ame bombardumankerdene. Îşxalkeranê ke waşt aver şirê hetê xoverdayoxanê Werxelê ra peyser ameyî qeldayene.

Hêrişê hewayî

21ê tebaxe de warê Mervanos, Tabûrê Ereban, Girê Sor, girê Sipî, girê Silêmanî yê Avaşînî de têgêrayîşê helikopteran qewimîya.22ê tebaxe de warê Girê Çarçelî yê Metîna pê teyayaranê şerî û warê Tîpa Tyî û Girê Şehîd Sîmkoyî pê helîkopteranê hêrişî ameyî bombardumankerdene.''