Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişan de eşkerayîyêke daye. 

Eşkerayîye wina ya:

''Çarçewa Hemleya Şorişgêre ya Bazanê Zagrosî de herêma Xakûrkê de;

28ê tebaxe de Girê Şehîd Şervanî yê Lêlîkanî de îşxalkerî kewt teqîbê hêzanê ma. Îşxalkerî gêrîyayî binê kontrolî û mesafeyêka nêzdî ra ameyî pirodayene. Çalakîye de 2 îşxalkerî ameyî cezakerdene.

Çarçewa Hemleya Şorişgêre ya Cengê Xabûrî de herêma Metîna de;

29ê tebaxe de Girê Azadî de hêzanê ma mewzîyê îşxalkeran pê çekanê giranan hedef kerdî. Çalakîye de hedefî bi hawayêkê serkewteyî ameyî pirodayene.

Warê Xoverdayîşê Werxelê yê herêma Avaşînî de;

29ê tebaxe de artêşa tirke ya îşxalkere Warê Xoverdayîşê Werxelê pê gazanê jehrînan û teqaberan da bombayan ber. Bombardıuman de îşxalkeranê ke waştêne aver şorê neçarîye ra xo apey ant. 30ê tebaxe de Warê Xoverdayîşê Werxelê pê gazanê jehrînan dîya bombayan ver. Warê Xoverdayîşê Werxelê de têgêrayîşê drone û teyarayanê keşfî dewam keno.

Teqayîşê Şirnexî

Herêma Şirnexî de kesê bi nameyê Nizar û Çetinî nameyê têgêrayîşê ma ser o şarê Botanî rê semedê şantîyeyan bi hawayêkê zûrayînî destûr danê û şarî ra pere gênê. Yew eleqeyê ma bi nê kesan çin o û sûc o ke nê kesî şarê ma yê welatperwerî şarê Botanî ra pere gênê. Wa şarê ma yê Botanî pê nê kesanê îstîsmarkeran bawer nêkerê.

29ê tebaxe de waranê Girê Sor, Girê Spî, Girê Silêman, Mervanos, Tabûra Ereban ê Avaşînî de têgêrayîşê helîkopterî qewimîyayî. Warê Girê Şehîd Dîren, Satê, Gûndê Dê û Girê Şehîd Rizgarî hetê qereqolanê sînorî ra dîyayî bombayan ver. 

29ê tebaxe de xeta Qaşûra ya Metîna de têgêrayîşê helîkopteran qewimîya. Heman roje dormeyê dewanê Êdînê, Dêşîşê û Seraroyî yê Kanî Masî û warê Girê Koordîne û Kela Qûmrîyê dîyayî bombayan ver. Reyna heman roje warê Tîpa Tyî yê Zapî de têgêrayîşê helîkopteran qewimîya û war dîya bombayan ver.''