Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêka nuştekîye daye û nê pare kerdî:

''Çarçewa Hemleya Şorişgêre ya Şehîd Bagerî û Şehîde Ronya de hêzanê ma yê YJA Starî 6ê êlule de herêma Zagrosî de vera leşkeranê ke Qilê Çarçelî de ameybî cakerdene çalakîyêke kerde. Çalakîya bitesere ke mewzî û stargehî dişmenî ameyî hedef girewtene de yew mewzî û stargeh pîya leşkerê ke tede bî ameyî îmhakerdene. Reyna yew kameraya mobesî zî hetê hêzanê ma ra ameye îmhakerdene la hûmara leşkeranê ke ameyî cezakerdene nêmayî tesbîtkerdene.

Qezaya Bazîdî ya Agirî de artêşa tirke waranê Demîkapi, Gilîdag û Çomkê de operasyono ke bi yewîyayanê nimiteyanê dayo destpêkerdene, kerd hîra. Hêzanê ma 27ê tebaxe de saetanê serê sibayî de vera înan çalakîya sabotajî kerde. Leşkerê dişmenî ke bitesîr ameyî pirodayene hûmara înan a merde û birîndaran zelal nêbîye. Artêşa tirke ke hêzanê ma ra derb werd, saetanê şanî de  warê operasyonî ra yewîye xo yê nimiteyî peyser antî.

5ê êlule de warê Kinyanîşî yê herêma Zapî yê Herêmanê Pawitişê Medya hetê helîkopteran ra ame bombardumankerdene. Nê hêrişan de vînîbyayeyê ma çîn ê.''