Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîye daye. Eşkerayîye wina ya:

''Çarçewa Hemleya Şorişgêre ya Bazanê Zagrosî de;

31ê tebaxe de rayîrê Şemzînan-Geverî yê Colemêrgî de noqtaya kontrolî hetê hêzanê ma ra ame pirodayene. Hûmara kişte û birîndaran a na çalakîye nêameye tesbîtkerdene.

2ê êlule de helîkoptero ke waştêne warê Tîpa Tyî yê Zapî bido bombayan ver kerd hedef. Helîkoptero ke derbe girewte herême ra rema.

2ê êlule de îşxalkerê ke  Cîloyê Biçukî yê herêma Zapî de bîyî hetê hêzanê ma ra pê çekanê giranan ameyî hedefkerdene. Na çalakîye de hedefî bi serkewtişî ameyî pirodayene.

Warê Xoverdayîşê Werxelê yê Avaşînî de;

2ê êlule de artêşa tirke ya îşxalkere Warê Xoverdayîşê Werxelê pê teqaberan û çekanê giranan da bombayan ver. Îşxalkeran bombardumanî ra dima waşt ke war de aver şorê la hetê xoverdayoxanê Werxelê ra mesafaya nêzdî ra ameyî pirodayene û coka neçare mendî ke xo apey biancê. 3ê êlule de artêşa tirke ya îşxalkere Warê Xoverdayîşê Werxelê reyna pê gazanê jehrînan da bombayan ver. Serê Warê Xoverdayîşê Werxelê de têgêrayîşê drone û teyarayanê keşfî dewam keno.

2ê êlule de warê Çemo, Sîda û dewa Rençbiraxayî pê obusan dîyayî bombayan ver. Şewato ke netîceya bombardumanan de vejîya hema zî dewam keno. 2ê êlule de xeta Qaşûra ya Metîna de têgêrayîşê helîkopteran qewimîya. Heman saete de dormeyê dewanê , Êdînê, Kêste, Serarû û Hirorê yê Kanî Masî dîya bombayan ver. Heman roje waranê Mervanos, Tabûra Ereban, Girê Spî, Gîrê Sor û Girê Silêmanî de têgêrayîşê helîkopteran qewimîya.

3ê êlule de dewê Kafya, Şêranê û Rêdinê yê Garê pê teyarayanê şerî dîyayî bombayan ver. Şewato ke netîceya bombardumanan de vejîya hema zî dewam keno.''