Gerîlayanê ereban Delale Amed û Omer Tilkoçerî derheqê sebebê tewrbîyayîşê xo de ANFyî rê qisey kerd.

Gerîla Delale Amed vat: ''Dima ke waya mi Berwere Zîlane Tîyar de şehîd bîya ez tewra gerîlayan bîya. Seba wayûbiratîya şaran girîng o ke erebî tewrê gerîlayan bibê. Rayber Apo û PKKyî ra dima cinîyan xo şinasna û têkoşîn weçîna. Dewleta tirke wazena ke wayûbiratîya ereban û kurdan çin bikera. La gerîlayê erebî do nê armancê dewleta tirke çin bikerê. Nê erkê ma yo. Sey gerîlayêka erebe armancê mi caardişê azadîya Rayber Apoyî yo.''

Gerîlayê HPGyî Omer Tilkoçerî vat: ''PKK teyna seba kurdan ney seba pêro şaran têkoşîn keno. Rayber Apo zî teyna lîderê kurdan ney lîderê pêro şaran o. Ewro şarê bindestî kenê ke fikranê Rayber Apoyî ser o xo îdare bikerê. PKK partîyêka winayên a ke tede pêro neteweyî bi ziwan û kulturê xo ciwîyenê. Ma zî seba cuya têdûşt û rûmetêne ma tewrê PKKyî bîyî.''