Gerîlayê HPGyî Yakup Salgin (Ferhat) 30 adare qezaya Nisêbînî ya Mêrdînî de hêrişê hewayî de şehîd bibi. Keyeyê Salginî cenazaya xo girewte.

Badê testê DNA keyeyî vizêr saetanê serê sibayî de muracatê Serdozgerîya Komare ya Mêrdînî kerd. Dima ra saetanê şanî de cenaza Goristanê Bêkesan ê  Artuklu ra ameye vetene û teslîmê keyeyî bîye. Keyeyî bi ambulansê ke înan bi xo kîra kerd cenazaya xo berde Qoser.Polîsan bi wesayîtanê zirxinan heta goristanê taxa Sanayîyî cenaza teqîp kerde û dormeyê goristanê girewt binê ablûqa. Destûr nêdîya mele û qismêkê merdimanê Salginî tewrê cenaza bibê û nimajê cenaza bêro kerdene. Keyeyî binê ablûqa de cenazaya xo defin kerde û keyeyê xo de tehzîye naye ro.