Gerîlayê YJA-Starî Amara Rûbar (Ayşe Kapar) û Rûkene Amara (Gulere Gungen) serrgêra şehadetanê xo de, bi merasîmêkî Kampa Multecîyan a Şehîd Rûstem Cûdîyî ya Mexmûrî de ameyî yadkerdene.

Merasîm de nameyê keyeyanê wird şehîdan ser o qiseykerdişî ameyî kerdene. Babîyê Şehîde Amara Ehmed Kaparî bale ante têkoşînê azadîye ser û vat: ''Ganî her çî ra ver nasname û welatê ma bêrê. Seba ney zî ganî ma seba azadîya welat û nasnameyê xo şer bikerê. Heta peynî ganî ma rayîrê domananê xo teqîb bikerê.''

Babîyê Şehîde Amara Ehmed Kaparî zî îfade kerd ke ê do bedelê ci çi beno wa bibo tim xo ver bidê.

Keyeyê Şehîde Rûkene ra Zelîxa Gungen pare kerd ke Rûkene Gabar şehîda pêro şarê Kurdîstanî ya.

Nameyê Dezgehê Keyeyanê Şehîdan ser o Sediq Heştanîyî keyeyanê şehîdan ra serweşîye waşte û îfade kerd ke ê do tim têkoşînê şehîdan rê dewam bikerê.

Qiseykerdişan ra dima derheqê têkoşîn û kesayetê Şehîde Amara û Rûkene de sînevîzyonêk ame mojnayene. Merasîm bi slogananê sey ‘Şehîd Namirin’ û ‘Bijî Serok Apo’ qedîya.