Gerîlayê YRKyî Rêwar Melîkşahî îfade kerd ke ganî şarê kurdî vera polîtîkayanê parçekerdiş û îşxalê hêzanê herême şîyar bibê, wayîrê tewirêkî bibê. Melîkşahî venga ciwanan da ke vera polîtîkayanê dişmenî sere wedarnê.
Gerîlayê Yewinanê Xelisnayîşê Rojhelatê Kurdîstanî (YRK) Rêwar Melîkşah'i derheqêîşxalê Kurdîstanî de qisey kerd.
MElîkşahî pare kerd ke o şaristanê Îlamî yê Rojhelatê Kurdîstanî ra yo û vat: ''Ez şehadetê birayê xo ra dima tewra gerîlayan bîya. Melîkşahî vat: ''Kurdîstan ameyo îşxalkerdene. Ma sey gerîlayanê azadîye nêverdenê ke no îşxal hîra bibo. Ma şarê xo ra zî wazenê ke îşxalî qebul nêkero. Dewletê Îran, Tirkîya, Iraq û Sûrîye û dewletê hemkarî armanc kenê ke Kurdîstanî bikerê parçe parçe. Ganî şarê ma ney hol bizano, vera dişmenî şîyar bo.
Ma bi Hemleya Wextê Azadîye felsefeya Rayberîye aver benê. Wezîfeyê ma yo ke ma Rayberê xo zîndanî ra vejê û azad bikerê. Wa şarê Îlamî û pêro ciwanê kurdî sere wedarnê û têkoşîn bikerê. Seba azadîya Kurdîstanî û azadîya Serek Apoyî wa cewab bidê îşxalkeran.
Ewro kurdî binê xizanîye, binê hêrişan û binê koletîye de ameyî warverdene.Rejîmê Îranî wazeno şarê Rojhelatê Kurdîstanî kurdayetîye ra dûrî bivisno. Ez venga pêro şaranê herême dana ke îşxalî qebul nêkerê û vera hêzanê îşxalkeran sere wedarnê. Ganî şarê kurdî, Belûc û Farisî vera îşxalî vinderê û bibê yew.''
