Fermandarîya Qerargehê Merkezê Pawitişê Şarî (MPŞ) derheqê hemleya 'Tecrîd, Faşîzm, Îşxalî rê Bes o, Wext Wextê Azadîye yo' de pêro gerîlayan û hêzanê xopawitişî ra mesajêk erşawit. 

Mesaj wina yo:

''Rejîmê AKP-MHP-Ergenekonî yo faşîst û kolonyalîst vera Rayberê ma tecrîdê mutlaqî ano ca û bi nê hawayî şarê ma rê zî îşkenceyê psîkolojîkî keno û vera Têgêrayîşê ma şerê topyekunî keno. La sayê xoverdayîşê Îmraliyî û têkoşînê hêzanê xopawitişî û gerîlayan de  dişmen bênetîce mende. La rejîmo faşîst hêrişanê xo dewam keno. Ewro rejîmê AKP-MHP-Ergenekonî seba pêro cografya bîyo tehluke. No rejîm armanc keno ke şarê Kurdîstan qir bikero û bi nê hawayî bireso armancanê xo. Coka têkoşînê vera nê rejîmî zaf girîng o.

Nê prosesî de Konseya Rayberdişîya KCKyî 12ê êlule de hamleyêka newîye daye dest pêkerdene. Bêguman na hemle xoverdayîşê vera tecrîd, kerdişanê faşîstan û îşxalê Kurdîstanî do bikera zixmêr û xoverdayîş do biresna serkewtiş.

Na hemle heman wextî de seba caardişê Şerê Şarî yê Şorişgêrî girîng a. Coka wezîfeyê pêro hêzanê ma yo ke tewrê na hemle bibê. Gerîlayê Azadîya Kurdîstanî yê ke Cuntaya 12ê Êlule ra dima bi keda Rayber Apoyî û rayberîya Fermandar Egîdî de vejîyayî sehneyê tarîxî ser, ewro zî do vera îqtîdarê faşîstî yê AKP-MHPyî do wezîfeyanê xo bîyarê ca. 

Ma pare kenê ke bi pêro yewinanê xo reyde seba ke faşîzm çin bikerê ma do tewrê hemleya  'Tecrîd, Faşîzm, Îşxalî rê Bes o, Wext Wextê Azadîye yo' bibê. Ma pêro embazanê xo rê rayraşîyayîşê Rayberîya Azade-Kurdîstanê Azadî de serkewtiş wazenê.''